စံချိန်စံညွှန်းများကိုကျွန်ုပ်၏နေ့စဉ်လူနေမှုဘဝနှင့် စီးပွားရေးလုပ်ငန်းများတွင်အသုံးပြုနေသကဲ့သို့ နေရာတိုင်းတိုင်းပါဝင်လျက်ရှိပြီးလူမှုအသိုက်အဝန်းအတွက်အရေးကြီးသောအစိတ်အပိုင်းတစ်ခုဖြစ်ပါသည်။

စံချိန်စံညွှန်း

စံချိန်စံညွှန်းဆိုသည်မှာ အများသဘောတူညီမှုဖြင့် ပြုစုရေးဆွဲထားပြီး စံချိန်စံညွှန်းဆိုင်ရာ လုပ်ပိုင်ခွင့်ရှိသောအဖွဲ့အစည်းကအတည်ပြုထား၍ သက်ဆိုင်ရာကဏ္ဍတွင် အသင့်တော်ဆုံး အနေအထားရရှိစေရန် ရည်ရွယ်လျှက် ပုံမှန်နှင့်အကြိမ်ကြိမ်အသုံးပြုမှုများ၊ စည်းမျဉ်းစည်းကမ်းများ၊ ဆောင်ရွက်ချက်များသို့မဟုတ် ယင်းတို့၏ အကျိုးဆက်များဆိုင်ရာလမ်းညွှန်ချက်များသို့မဟုတ် သွင်ပြင်လက္ခဏာများအတွက် ဆန္ဒအလျောက်လိုက်နာနိုင် သည့်သတ်မှတ်ချက်များကိုဆိုသည်။ (Ref: ISO/IEC Guide 2 Standardization and related activities: General vocabulary)

စံချိန်စံညွှန်းသတ်မှတ်ခြင်း

စံချိန်စံညွှန်းသတ်မှတ်ခြင်းဆိုသည်မှာသက်ဆိုင်ရာကဏ္ဍတွင်  အမှန်တကယ်ဖြစ်ပေါ်နေသော သို့မဟုတ် ဖြစ်နိုင်ခြေရှိသောအခက်အခဲများနှင့်စပ်လျဉ်း၍ ပုံမှန်နှင့်အကြိမ်ကြိမ် အသုံးချနိုင်သော သတ်မှတ်ချက်များကိုအသင့်တော်ဆုံးအနေအထားရရှိစေရန် ရည်ရွယ်သည့် လုပ်ဆောင်ချက်ကို ဆိုသည်။ ယင်းစကားရပ်တွင် စံချိန်စံညွှန်းများကိုရေးဆွဲခြင်း၊ ပုံနှိပ်ထုတ်ဝေခြင်းနှင့် အကောင် အထည်ဖော်ခြင်းလုပ်ငန်းစဉ်များလည်းပါဝင်သည်။(Ref: ISO/IEC Guide 2 Standardization and related activities: General vocabulary)

စံချိန်စံညွှန်းများ၏အကျိုးကျေးဇူးများ

စံချိန်စံညွှန်းများကို အသုံးပြုခြင်းဖြင့်  နည်းပညာဆိုင်ရာများ၊ စီးပွားရေးနှင့် လူမှုရေးဆိုင်ရာကဏ္ဍများတွင် အကျိုးကျေးဇူးများကိုရရှိစေမည်ဖြစ်ပါသည်။

ထို့အပြင် စံချိန်စံညွှန်းများသည် အပြည်ပြည်ဆိုင်ရာကုန်သွယ်မှုတွင် အတားအဆီးများကို ဖယ်ရှားနိုင်ခြင်းဖြင့် စက်မှုကဏ္ဍစွမ်းဆောင်ရည် မြင့်မားစေခြင်းကိုဖြစ်ပေါ်စေသော ထုတ်ကုန်များနှင့် ဝန်ဆောင်မှုလုပ်ငန်းများ၏ နည်းပညာဆိုင်ရာသတ်မှတ်ချက်များကို တစ်ပြေးညီဖြစ်စေရန် ကူညီပေးပါသည်။

စီးပွားရေးလုပ်ငန်းများတွင် ကုန်ကျစရိတ်ချွေတာနိုင်ခြင်း၊ ဝယ်ယူသုံးစွဲသူများစိတ်ကျေနပ်မှုကို မြှင့်တင်ပေးနိုင်ခြင်း၊ စျေးကွက်သစ်ကိုရရှိနိုင်ခြင်း၊ ရှယ်ယာစျေးကွက်များကို မြှင့်တက်စေခြင်းနှင့်  သဘာဝပတ်ဝန်းကျင်ဆိုင်ရာအကျိုးကျေးဇူးများကိုရရှိစေနိုင်ခြင်း၊

-စားသုံးသူများအနေဖြင့် လုံခြုံစိတ်ချ၍ အရည်အသွေးကောင်းမွန်သည့် ပစ္စည်းများကို သုံးစွဲရသည်ဟုယုံကြည်စိတ်ချမှုရရှိနိုင်ခြင်း၊

(နိုင်ငံသားများ၏ ကျန်းမာရေးနှင့်သဘာဝပတ်ဝန်းကျင်ထိန်းသိမ်းစောင့်ရှောက်ရေးနှင့် လုံခြုံစိတ်ချရသော လူမှုအသိုက်အဝန်းတစ်ခုဖြစ်စေရန်)

-နိုင်ငံတော်အစိုးရအနေဖြင့် ပြည်သူ့ရေးရာမူဝါဒများအားထောက်ပံ့ပေးနိုင်ခြင်း၊ (ဥပမာအားဖြင့် နည်းဥပဒေများရေးဆွဲရာတွင် အပြည်ပြည်ဆိုင်ရာစံချိန်စံညွှန်းများအားကိုးကားနိုင်ခြင်း)

မြန်မာစံချိန်စံညွှန်းများရောင်းချခြင်း

သုတေသနနှင့်တီထွင်ဆန်းသစ်မှုဦးစီးဌာန၊ အမျိုးသားစံချိန်စံညွှန်းနှင့်အရည်အသွေးဌာန၏ စံချိန်စံညွှန်းဖွံ့ဖြိုး တိုးတက်ရေးဌာနခွဲ မှ မြန်မာစံချိန်စံညွှန်းများကို ရောင်းချလျှက်ရှိပြီး ISO (International Organization for Standardization)  နှင့် IEC (International Electrotechnical Commission) စံချိန်စံညွှန်းများကိုလည်း National Member Body အနေဖြင့် ရောင်းချလျှက်ရှိပါသည်။

မြန်မာစံချိန်စံညွှန်း(၈၁၉)ခုအားရောင်းချသည့်စျေးနှုန်းများ

IEC Standards များကို ဝယ်ယူရာတွင်  NSQD DRI အနေဖြင့် IEC ၏  ထပ်တိုးအဖွဲ့ဝင်သာဖြစ်သောကြောင့် မြန်မာစံချိန်စံညွှန်းအဖြစ်ထုတ်ပြန်ကြေငြာပြီး၍ IEC သို့အကြောင်းကြား ထားသော MMSIEC Listed Standards များကိုသာ IEC Sale Department  သို့ NSQD မှတဆင့် ချိတ်ဆက်ဝယ်ယူရမည်ဖြစ်ပါသည်။ အဆိုပါ Listed Standards များ ဝယ်ယူခြင်းအတွက် စျေးနှုန်းမှာ IEC Standards Catalogue ရောင်းစျေး၏၁၀% (၉၀%လျော့စျေး)ဖြင့် ဝယ်ယူနိုင်မည်ဖြစ်ပါသည်။ ထိုသို့စျေးနှုန်းသက်သာစွာဝယ်ယူနိုင်ရေးအတွက် ညွှန်ကြားရေးမှူးချုပ်၊ သုတေသနနှင့်တီထွင် ဆန်းသစ်မှုဦးစီးဌာနသို့ ထောက်ခံချက်ရယူနိုင်ရေး လျောက်ထားရမည်ဖြစ်ပါသည်။

IEC Sale Department , Email Address: [email protected]

IEC တွင် Notified ပြုလုပ်ထားသည့် Listed Standards များ ကြည့်ရှုရမည့် Link https://www.iec.ch/dyn/www/f?p=103:11:0::::FSP_ORG_ID:1148

အပြည်ပြည်ဆိုင်ရာပူးပေါင်းဆောင်ရွက်မှုများ

သုတေသနနှင့်တီထွင်ဆန်းသစ်မှုဦးစီးဌာနသည် အပြည်ပြည်ဆိုင်ရာစံချိန်စံညွှန်းအဖွဲ့(International Organization for Standardization- ISO)၏ စာပေးစာယူအဖွဲ့ဝင်(Correspondence Member)အဖြစ် (၂၀၀၅)ခုနှစ်မှ စတင်ဝင်ရောက်ခဲ့ပြီး ISOစံချိန်စံညွှန်းများကို မြန်မာစံချိန်စံညွှန်းများအဖြစ် ကိုးကားချမှတ်ခြင်း၊ ISOမှကျင်းပသော သင်တန်းများ၊ အလုပ်ရုံဆွေးနွေးပွဲများ၊ အစည်းအဝေးများသို့ တက်ရောက်ခြင်းနှင့်  (၂၀၁၂)ခုနှစ်မှ စတင်၍ ကမ္ဘာ့စံချိန်စံညွှန်းနေ့အခမ်းအနားများကို နှစ်စဥ်ကျင်းပ လျက်ရှိပါသည်။

(ကမ္ဘာ့စံချိန်စံညွှန်းနေ့အခမ်းအနားမှတ်တမ်းဓါတ်ပုံများ)

အပြည်ပြည်ဆိုင်ရာလျှပ်စစ်နည်းပညာကော်မရှင်(International Electrotechnical Commission-IEC)သို့ (၂၀၀၇)ခုနှစ်တွင် ပေါင်းစည်းအဖွဲ့ဝင် (Affiliate Member) အဖြစ် စတင်ဝင်ရောက်ခဲ့ပြီး (၂၀၂၀) ခုနှစ်တွင် ထပ်တိုးတွဲဖက်အဖွဲ့ဝင် (Affiliate Plus Member)အဖြစ်ရောက်ရှိ၍ IEC စံချိန်စံညွှန်းများကို ကိုးကား၍ မြန်မာစံချိန်စံညွှန်းများအဖြစ် ချမှတ်လျက်ရှိပါသည်။

ထို့အပြင် ကမ္ဘာ့ကုန်သွယ်မှုအဖွဲ့၏ ကုန်သွယ်မှုတွင် နည်းပညာအတားအဆီးများဆိုင်ရာ စုံစမ်းရေး ဌာန (National WTO/TBT Enquiry Point) အဖြစ် (၂၀၀၈)ခုနှစ်တွင် စတင်တည်ထောင်ခဲ့ပြီး သက်ဆိုင်ရာဝန်ကြီးဌာနများနှင့်ပူးပေါင်း၍ စုံစမ်းမေးမြန်းလာခြင်းအပေါ် ဖြေကြားခြင်းများကို တာဝန်ယူ ဆောင်ရွက်လျက်ရှိပါသည်။

ဒေသဆိုင်ရာပူးပေါင်းဆောင်ရွက်မှုများ

စံချိန်စံညွှန်းဖွံဖြိုးတိုးတက်ရေးဌာနခွဲသည် အာဆီယံစံချိန်စံညွှန်းနှင့်အရည်အသွေးဆိုင်ရာ အတိုင်ပင် ခံကော်မတီ-လုပ်ငန်းအဖွဲ့(၁) (ACCSQ WG 1- Standards and MRA) ၏ Focal Point အဖြစ် တာဝန်ယူဆောင်ရွက်လျက်ရှိပြီး ၂၀၁၇ခုနှစ်၊ မေလ(၂၅)ရက်နေ့မှ(၂၇)ရက်နေ့အထိ မြန်မာနိုင်ငံတွင် (၃၈)ကြိမ်မြောက်ACCSQ Working Group on Standards and MRA (WG 1) အစည်းအဝေး အား အိမ်ရှင်အဖြစ်လက်ခံကျင်းပခဲ့ပါသည်။ ဒေသဆိုင်ရာပူးပေါင်းဆောင်ရွက်မှုတွင် အာဆီယံ တပြေးညီစံချိန်စံညွှန်းများ(ASEAN Harmonized Standards)ကိုလည်း မြန်မာစံချိန်စံညွှန်းများ အဖြစ် ဦးစားပေးချမှတ်လျက်ရှိပါသည်။

38^th ACCSQ WG 1 အစည်းအဝေးမှတ်တမ်းဓါတ်ပုံများ

နိုင်ငံတကာပူးပေါင်းဆောင်ရွက်မှုများ

သုတေသနနှင့်တီထွင်ဆန်းသစ်မှုဦးစီးဌာနသည် မြန်မာစံချိန်စံညွှန်းများရေးဆွဲမှုနယ်ပယ် ပိုမိုကျယ်ပြန့် လာစေရေးအတွက် American Standards and Testing Materials (ASTM) အဖွဲ့အစည်းနှင့် ၂၀၁၆ ခုနှစ်၊ အောက်တိုဘာလတွင် အပြန်အလှန်နားလည်မှုစာချွန်လွှာကို လက်မှတ်ရေးထိုးခဲ့ပြီး ASTM Standards များကို မြန်မာစံချိန်စံညွှန်းများအဖြစ် ကိုးကား၍ချမှတ် ဆောင်ရွက်လျက်ရှိပါသည်။ ASTM နှင့် DRI တို့ ရေးထိုးသော အပြန်အလှန်နားလည်မှုစာချွန်လွှာ Updated Versionကို ၂၀၂၄ ခုနှစ်၊ ဩဂုတ်လတွင် ထပ်မံ၍ လက်မှတ်ရေးထိုးခဲ့ပါသည်။

ပြည်ထောင်စုသမ္မတမြန်မာနိုင်ငံ၏ သိပ္ပံနှင့်နည်းပညာဝန်ကြီးဌာန၊ သုတေသနနှင့်တီထွင်ဆန်းသစ်မှု ဦးစီးဌာန(DRI)နှင့် တရုတ်ပြည်သူ့သမ္မတနိုင်ငံ၏ နိုင်ငံတော်အဆင့် ဈေးကွက်ဆိုင်ရာစည်းမျဉ်း စည်းကမ်းများ စီမံခန့်ခွဲရေးဌာန (အမျိုးသားစံချိန်စံညွှန်းသတ်မှတ်ခြင်းဆိုင်ရာအုပ်ချုပ်မှုအဖွဲ့) (SAMR/SAC) တို့အကြား ပူးပေါင်းဆောင်ရွက်ရေးနားလည်မှုစာချွန်လွှာ (MOU)ကို ၂၀၂၄ခုနှစ်၊ နိုဝင်ဘာလတွင် လက်မှတ်ရေးထိုးခဲ့ပြီး စံချိန်စံညွှန်းသတ်မှတ်ခြင်းနယ်ပယ်တွင် နှစ်ဦးနှစ်ဖက် အပြန်အလှန် အကျိုးစီးပွားကို မြှင့်တင်ရန် ပူးပေါင်းဆောင်ရွက်ခြင်းဖြစ်ပါသည်။

ဖွံဖြိုးမှုအကူအညီပေးရေးအဖွဲ့များနှင့်ပူးပေါင်းဆောင်ရွက်မှုများ

စံချိန်စံညွှန်းဖွံ့ဖြိုးတိုးတက်ရေးဌာနခွဲသည် မြန်မာစံချိန်စံညွှန်းများစဥ်ဆက်မပြတ်ချမှတ်နိုင်ရေးအတွက် အကောင် အထည်ဖော် ဆောင်ရွက်လျက်ရှိပြီး ဖွံဖြိုးမှုအကူအညီပေးရေးအဖွဲ့များဖြစ်သော UNIDO, PTB နှင့် DRI တို့မှ စံချိန်စံညွှန်းများဖွံဖြိုးတိုးတက်ရေးအတွက် လိုအပ်သောကူအညီများအား ပံ့ပိုးပေးလျက်ရှိပါသည်။

USAID နှင့်ပူးပေါင်းဆောင်ရွက်ခဲ့သည့်မှတ်တမ်းဓါတ်ပုံများ

PTB နှင့်ပူးပေါင်းဆောင်ရွက်ခဲ့သည့်မှတ်တမ်းဓါတ်ပုံများ

နိုင်ငံတကာနှင့်ပူးပေါင်းဆောင်ရွက်ခဲ့သည့်မှတ်တမ်းဓါတ်ပုံများ